Hövzə Xəbər Agentliyinin tərcümə qrupunun verdiyi məlumata görə, müqəddəs Nəcəf şəhərinin cümə imamı Höccətül-İslam vəl-müslimin Seyid Sədrəddin Qəbançi Nəcəf şəhərində yerləşən böyük Fatimiyyə Hüseyniyyəsində keçirdiyi cümə namazının xütbələrində bir sıra daxili, regional və beynəlxalq məsələlərə toxunub.
Bağdad Beynəlxalq Kitab Sərgisinin 600 nəşriyyatın iştirakı ilə keçirilməsinə münasibət
Daxili məsələlər bölməsində Höccətül-İslam vəl-müslimin Seyid Sədrəddin Qəbançi Bağdad Beynəlxalq Kitab Sərgisinin 27-ci turunun keçirilməsini alqışlayaraq onun adını yüksək qiymətləndirib və deyib: “Gözəl məqam ondan ibarətdir ki, bu sərgi “Bağdad – İslam mədəniyyətinin paytaxtı” adı altında keçirilir və sərgidə 600 nəşriyyat iştirak edir.”
Tədris ilinin başlanmasının gecikdirilməsindən ictimai narazılıq
O, həmçinin tədris ilinin başlanmasının oktyabrın 11-dək (19 mehr) gecikdirilməsindən və bunun səbəblərinə məhəl qoyulmamasından yaranan ictimai narazılığa toxunaraq deyib: Nazirliyin geri addım ataraq tədris müddətinin oktyabrın 1-dən (1 mehr) başlanacağını elan etməsinə baxmayaraq, təhsilə münasibətdə bu davranış ətrafında böyük bir sual işarəsi mövcuddur.
Əxlaqsızlıq festivalının ləğvinə görə Bəsrə xalqına təşəkkür
Xütbənin digər hissəsində müqəddəs Nəcəf şəhərinin cümə imamı Bəsrə xalqına, alimlərinə və həmin bölgənin qəbilə başçılarına Bəsrədə keçirilməsi planlaşdırılan əxlaqsızlıq festivalının ləğvində göstərdikləri həsaslığa görə təşəkkürünü çatdırıb və onların bu mövqeyini yüksək qiymətləndirib. O bildirib ki, bu mövqe onların düşmənin sistemli planları vasitəsilə üzləşdiyimiz əxlaqi çağırışların təhlükələrinə münasibətdə həssaslığını göstərir.
Müqəddəs Nəcəf şəhərində elmi hövzənin yaradılmasının minilliyi
O, həmçinin Şeyx Tusinin vəfatının ildönümü münasibətilə müqəddəs Nəcəf şəhərində elmi hövzənin yaradılmasının minilliyinə toxunaraq bu münasibətlə keçirilən festivalın təşkilinə görə İmam Əlinin (ə) müqəddəs hərəminə öz təşəkkürünü bildirib və vurğulayıb: Nəcəf şəhəri yenidən düşüncə, din və şiəlik qalası kimi öz əvvəlki mövqeyinə qayıdır.
Baş nazirin ABŞ-a səfəri
Höccətül-İslam vəl-müslimin Seyid Sədrəddin Qəbançi daxili məsələlərin digər bir hissəsində İraq baş nazirinin gələn həftə ABŞ-a səfərinə toxunaraq vurğulayıb: “İraqda baş verə biləcək hər hansı siyasi və təhlükəsizlik qeyri-sabitliyi bütün regionda böhran alovlandıraraq dünya iqtisadiyyatını sarsıdacaq. Buna görə də məsələlər hikmət və rasional yanaşma ilə həll edilməlidir.
Məkkə və Mədinə qırmızı xətdir və onların hədəfə alınması kafir bir plandır
Beynəlxalq məsələlər bölməsində müqəddəs Nəcəf şəhərinin cümə imamı deyib: Media Məkkə və Mədinənin hədəfə alınmasından danışır. Biz hesab edirik ki, Məkkə və Mədinə qırmızı xətdir. Lakin fitnə alovlandırmaq, Yəmən və İraqa qarşı ictimai rəyi təhrik etmək məqsədi daşıyan kafir bir plandan ehtiyatlı olmalıyıq.
Dini xütbə: İmam Həsən Əskərinin (ə) vəsiyyətində şiənin dörd xüsusiyyəti
Müqəddəs Nəcəf şəhərinin cümə imamı dini xütbəsində təqvaya tövsiyə etdikdən sonra İmam Həsən Əskəridən (ə) şiələrin xüsusiyyətləri barədə bir hədis nəql edib:
«إِنَّ الرَّجُلَ مِنْكُمْ إِذَا وَرَعَ فِي دِينِهِ، وَصَدَقَ فِي حَدِيثِهِ، وَأَدَّى الْأَمَانَةَ، وَحَسُنَ خُلُقُهُ مَعَ النَّاسِ، قِيلَ: هَذَا شِيعِيٌّ، فَيَسُرُّنِي ذَلِكَ»
“Həqiqətən, sizdən bir şəxs öz dinində təqvalı, danışığında doğruçu, əmanəti yerinə yetirən və insanlarla gözəl əxlaqla davranan olduqda onun haqqında deyilir: “Bu, şiədir.” Bu isə məni sevindirir.”
O izah edib: “Bunlar İmam Həsən Əskərinin (ə) öz şiələri üçün vurğuladığı dörd xüsusiyyətdir: Dində təqvalı olmaq, doğru danışmaq, əmanəti yerinə yetirmək və gözəl əxlaqa malik olmaq.”
Əhli-beyt (ə) şiələrinə müjdə: Şiələrin sevinəcəyi üç məqam
Höccətül-İslam vəl-müslimin Seyid Sədrəddin Qəbançi həmçinin Əhli-beyt (ə) şiələri üçün bir müjdəni xatırladıb. Bu, Peyğəmbərin (s) həyat yoldaşı Ümmü Sələmənin nəql etdiyi bir hədisdir. O deyib ki, Allah Rəsulu (s) buyurub:
«يَا عَلِيُّ، إِنَّ مُحِبِّيكَ يَفْرَحُونَ فِي ثَلَاثَةِ مَوَاطِنَ: عِنْدَ خُرُوجِ أَنْفُسِهِمْ وَأَنْتَ هُنَاكَ تَشْهَدُهُمْ (يَعْنِي تَقُولُ لَهُمْ: أَشْهَدُ أَنْ لَا إِلَهَ إِلَّا اللهُ، وَأَشْهَدُ أَنَّ مُحَمَّدًا رَسُولُ اللهِ)، وَالْمَوْطِنُ الثَّانِي عِنْدَ الْمُسَاءَلَةِ فِي الْقَبْرِ، وَأَنْتَ هُنَاكَ تُلَقِّنُهُمْ، (يَعْنِي حِينَما يَسْأَلُهُمْ مُنْكَرٌ وَنَكِيرٌ: مَنْ رَبُّكَ؟ أَنْتَ تُلَقِّنُهُمْ وَتَقُولُ لَهُمْ: قُلْ اللهُ رَبِّي). وَالْمَوْطِنُ الثَّالِثُ عِنْدَ الْعَرْضِ عَلَى اللهِ، وَأَنْتَ هُنَاكَ تُعَرِّفُهُمْ (يَعْنِي تَقُولُ: إِلَهِي هَؤُلَاءِ شِيعَتِي)»
“Ey Əli! Sənin ardıcılların üç məqamda sevinəcəklər: Birincisi, onların ruhları bədənlərindən ayrılarkən sən orada olacaq və onlara şahidlik edəcəksən (yəni onlara deyəcəksən: “Şəhadət verirəm ki, Allahdan başqa məbud yoxdur və şəhadət verirəm ki, Məhəmməd Allahın Rəsuludur”).
İkinci məqam qəbirdə sorğu-sual zamanı olacaq. Sən orada olacaq və onlara təlqin edəcəksən (yəni Münkər və Nəkir onlardan soruşduqda: “Rəbbin kimdir?”, sən onlara təlqin edəcək və deyəcəksən: “De: Allah mənim Rəbbimdir”).
Üçüncü məqam isə Allahın hüzurunda təqdim olunarkən olacaq. Sən orada olacaq və onları tanıtdıracaqsan (yəni deyəcəksən: “İlahi! Bunlar mənim şiələrimdir”).”
O vurğulayıb: “Bunlar Əhli-beyt (ə) şiələrinin sevinəcəyi üç məqamdır və bunlar çətin məqamlardandır.”
Seyid Sədrəddin Qəbançi
Rəyiniz